UCBMEDIA … Ullormut oqaaseq ... Grønlandsk Grønland Dansk Danmark Norsk Norge Svensk Sverige

2017-09-14Læs et Ord til Dagen i dag (2017-11-20)2017-09-16
Ord for 2017-09-15
septembarip 15-at
Jiisusip aavatigut annatsitaanikuuvutit
"É Jiisusip... aavata tamanik ajortaajassavaatigut". 1. Joh 1,7
Jiisusip aavanik annaanneqarnikuuvutit. Guuti pillugu ersernerluttunik takorluukkanut tusarnaarnikkut, ajunnginnerpaamillu iliornikkut, oqaluffiliartarnikkullu Qilammut pisinnaanngilatit. Aajukua, Qilammiilereerninnut nalunaajaataasut: "Saammallisi eqqissisillusilu taassanngaÉ Jiisusi Kristusillu nalunaajaasup tatiginartup, toqussani ernioqqaartup nunarsuarmilu kunnginut naalagaasup. Taasuma asasitta aamminillu ajortitsinnit aniguisitsisitta, inuianngortisitta kunngikkormiuusut Guutimullu ataataminut palasinngortitsisitta naalannaat pissaanerlu pigiligit naassaanngilluinnartumikÉ (Saqq 1, 4-6).
Matterhorn Museet Zermatt Scheitz-imiittumi takuneqarsinnaasut, allunaasap kipineqarsimasup oqaluttuassartaata tunuaniittoq soqutiginartuuvoq. Qaqqasiortartut Matterhorn-i qaqiniaraangamikku, ammukarnissartik eqqarsaatigalugu imminnut allunaasamik attavilersortarput. Ataaserli ilagisaat orluvoq, ilanilu itinersuarmut nakkaqatigalugit nusullugit. Ikinngutertik ilaasa nakkarnerani unitsinniaraluarlugu allunaasoq akiorlugu nutsuppaat. Taamaasiornerli nukittunermut misiliutaannaavoq, tamarmimi amiilaareqisaannik allunaasaq kittorarpoq, tamarmillu toqullutik nakkarput. Allunaasaq oqitsunnguaq nalinginnaasoq, sooq atorsimaneraat, kialuunniit naluaa; pitsaassutsimini qulakkeeqqassutaasumik aappalaatuulluni takuneqarsinnaasoq, qaqqasiortartuni allunaasaq atorneqartartoq, naluneqanngilaq atunngikkaat. Tassuuna ilinniarfissaqarpugut.
1.Mos-miit Saqqummersitanut atuarsinnaavarput, titarneq aappalaartoq malitassaasoq, taassuma kiserluinnarmi annaassinnaagaatigut Ð Jiisusip Kristusip aavata. Testamentitoqqap nalaani uppertuusoq, sanningasoq siunerminni takusassartik neriuutigaat, Testamentitaallu nalaani uppertuusut kingumut qiviartarpaat. Kristusip naammassillugu suliaa upperigukku, Guutimiit akuerisaassaatit, Qilaallu matua ilinnut ullut ilaanni ammassaaq, naassaanngitsumullu inooqatigisinnaalissavat. Ilumoortukkut ugguuna tamakkiisumik tunngavilersorneqarpoq: "É JiisusipÉ aavata tamanik ajortaajassavaatigut". Qilaap Naalagaaffiata isaaffissuanut ingerlanissatsinnut, minnerusumik annerusumilluunniit pisariaqartitsinngilagut!
Biibilimik atuagassiat: Tuss 76; Hebr 10; Jer 1-2

Nipaallisimaarnerit nukissaqalersitsisarput

Bestil den trykte udgave af et “Ord til Dagen”. word@UCB.dk
UCB MEDIA, Box 92, 2770 Kastrup.
tlf. 32 340 112