UCBMEDIA … Ullormut oqaaseq ... Grønlandsk Grønland Dansk Danmark Norsk Norge Svensk Sverige

2017-03-28Læs et Ord til Dagen i dag (2017-03-29)2017-03-30
Ord for 2017-03-29
marsip 29-at
Inuunerit atoruk, piffissat atoruk
"Silatusaartaritsi... piffissaqqissorlu atortarsiuk". Kol 4,5
Pigisanni ajunnginnerpaaq - tassaapput 24-t tiimit tulliuttut. Qanutut atorusuppigit. Puussaarutinut allanullu isumaqanngitsunut, namminerluunniit piumasannut, e-mailinut isumaqanngitsunut, fjernsynerlutillu ullut atorumaviuuk? Ullumikkulluunniit piffissat nakkutigalugu ullut isumaqalersinniarpiuuk? Iliuutsitut siulliukkusutanik 20%-nik aallussinerup, 80%-tiinik iluanaarutiginniffiusartut, aqutsisutut ekspertiusut oqartarput. Taamaammat ullaat tamaasa makikkaangavit tarrarsuut saallugu oqartarit: "Ullumikkut Guutip piumasaa malillugu inuuniarpunga, nukikkalu aalajangernerma piviusunngortinnissaanut atorniarpakka".
Illinnut malugeqqullutik unammisunik assigiinngitsunik peqartuaannaavissaaq. Takoqqusaaruteqartartut suliaminnut aningaasaatinnik atueqqusarpaatsit; inuillu piffissaqavataartut piffissami ilaginiartaraatsit maluginikuuiuuk? Allaammi aallutatit siammasillutik, suut siullertut ilinnik malugitinnissaminnik pisariaqartitsinersut nalornisinnaavutit, kissaatigisatit assigiinngikkaangaartarsinnaammata. Taamaammanuna Guutimit anguniagassatut pisatit qinnguartaatitulli aalluttariaqaritit pisariaqartoq. Suliatit suugaluarpataluunniit allaniillu ilalersorneqanngitsunut maluginiutinnut nukitit iliniakkit. Salliutitavit piffissat qanoq atornerit aalajangertarpaat, taamaammat qinnutigikkit tigummiuarlugillu. Malunnaateqanngitsut piiakkit. Illit susinnaaninnik, sorusunninnillu oqaluttuussisut kukkoqqapput. Suut suliarerusutatit tamaasa suliarisinnaanngilatit, Guutilli suliareqqullugit ilinnut kissaatai tamaasa suliarisinnaavatit. Toqqaasariaqarputit! Iluatsitsisuuneq eqqortunik iliornikkut pisarpoq, sinneri unitsiinnarlugit. Suna ilinnut eqqortuunersoq nalorniguit, taava inuunerit kingumut qiviarlugu, ukiullu tulliuttussat - suut suliarisimanagit ajuusaarutigivigit?
Biibilimiatuagassiat: Tuss 88; Rom 16; 5. Mos 23-24

Nipaallisimaarnerit nukissaqalersitsisarput

Bestil den trykte udgave af et “Ord til Dagen”. word@UCB.dk
UCB MEDIA, Box 92, 2770 Kastrup.
tlf. 32 340 112